“చికెన్ మందీ” అందరికి ఎంత ఇష్టమైన అరేబియన్ రెసిపీ. ఈ మధ్య కాలం లో అందరికి ఫేవరేట్ గా మారిపోయింది, హైదరాబాదీ ధం బిర్యానీ తో పోటీ పడుతుంది. ఈ మందీ చూడడానికి హైదరాబాది చికెన్ దం బిర్యానీ లాగే అనిపిస్తుంది కాని, వండే తీరు, రుచి అన్నీ భిన్నంగా ఉంటాయి. ఇది ఎక్కువ మసాలా దినుసులతో సువాసనలతో ఉంటుంది. హైదరాబాదీ బిర్యానీ కారం గా, ఘాటుగా ముఖ్యం తెలుగు వారికి నచ్చేలా ఉంటుంది. ఇంకా మందీ లో కారం వాడరు, ఘాటుగా ఉంటుంది.

మందీ చికెన్ బిర్యానీ తో పాటు మటన్, ఫిష్, వెజ్ అన్నీ మందీలు ఉన్నాయ్. వేటికవే ప్రేత్యేకం. ఇది చేయడం కొద్దిగా టైం తీసుకున్నా, తింటున్నప్పుడు ఆ కష్టమంతా మర్చిపోతారు.

మందీ తో సహజంగా సైడ్ డిష్ గా మంది చట్నీ ఒకటుంటుంది అది నేను త్వరలో పోస్ట్ చేస్తా. కానీ హైదరాబద్ లో మందీ తో “మిర్చి కా సాలన్” ఇస్తారు. ఆ రెసిపీ లింక్ కింద ఉంది చుడండి. నచ్చితే ఉడికించిన గుడ్లు కూడా సర్వ్ చేసుకోవచ్చు.

మందీలో కారం, పుదీనా, కొత్తిమీర ఏవీ వేయరు. నచ్చితే వేయించిన ఉల్లిపాయలు వేసుకోవచ్చు ఆఖరున అంతే.

మందీ కి చికెన్ ని మధ్యకి కోసి దాన్ని రెండు ముక్కలు తీసుకోవాలి, అంటే రెండు పెద్ద పెద్ద ముక్కలు. చికెన్ లేతది అయితే చాలా రుచిగా ఉంటుంది, త్వరగా కుక్ అవుతుంది.

ఈ రెసిపీ లో మందీ మసాలా పౌడర్ కూడా ఉంచాను చుడండి

ఇవి కూడా ట్రై చేయండి:

హైదరాబాది చికెన్ ధం బిర్యానీ
యఖ్ని పులావు
ఈజీ చికెన్ పులావు
షీర్ కుర్మా

కావలసినవి:

మందీ మసాలా కోసం:

  • ధనియాలు- 1 tbsp
  • జీలకర్ర- 1 tsp
  • జాజి కాయ ముక్క- పల్లీ గింజంత
  • యాలకలు- 6
  • లవంగాలు- 6
  • నల్ల యాలకలు- 1
  • దాల్చిన చెక్క- 1.1/2 ఇంచ్
  • నల్ల మిరియాలు- 1 tbsp

మందీ మసాలా పేస్టు కోసం:

  • మందీ మసాలా పొడి
  • ఉప్పు- 1 tsp
  • సొంటి పొడి- 1/2 tsp
  • చాట్ మసాలా- 1/2 tsp
  • నిమ్మ రసం- 1 tsp
  • నూనె- 1 tbsp
  • కుంకుమ పువ్వు నీళ్ళు-  3 tbsps ( చిటికెడు కుంకుమ పువ్వు ని 3 tbsps వేడి నీళ్ళలో నాన్బెట్టినది)

మందీ రైస్ కోసం:

  • చికెన్- 1/2 కిలో(రెండు పెద్ద ముక్కలు)
  • నెయ్యి- 2 tbsps
  • నూనె- 1 tbsp
  • ఉల్లిపాయ తరుగు – 2 tbsps
  • అల్లం వెల్లూలి ముద్దా- 1 tbsp
  • నీళ్ళు- 2.1/2 కప్స్
  • జీడిపప్పు- 15
  • బాదాం- 15
  • కిస్మిస్స్- 15
  • ఉప్పు
  • బాస్మతి బియ్యం- 1 కప్(185 gms)
  • నీళ్ళు- 2.1/2 కప్స్
  • చికెన్ స్టాక్- 1.1/2 కప్స్ + 2 tbsps

విధానం:

Directions

0/0 steps made
  1. మందీ మసాలా కోసం సిద్దం చేసుకున్న మసాలాలు మిక్సీ లో వేసి మెత్తని పొడి చేయండి
  2. ఓ గిన్నె లో  మందీ మసాలా పేస్టు కోసం ఉంచిన పదార్ధలన్నీ వేసుకుని మందీ మసాలా పొడి 1 tbsp పక్కనుంచి మొత్తం వేసుకోండి. అలాగే 1 tbsp కుంకుమ పువ్వు నీరుంచి మిగినది వేసి పేస్టు లా చేసుకోండి
  3. ఇందులో చికెన్ కి గాట్లు పెట్టి 30 నిమిషాలు 1 tsp ఉప్పేసి నానబెట్టిన చికెన్ వేసి బాగా పేస్టు పట్టించండి
  4. పేస్టు పట్టించి ఫ్రిజ్ లో 4 గంటలు ఉంచండి
  5. 4 గంటల తరువాత 2.1/2 కప్స్ నీళ్ళు మరిగించి మరుగుతున్న నీళ్ళ పైన ఓ జల్లడ ఉంచి దాని మీద నానబెట్టిన చికెన్ ముక్కలు ఉంచి మూత పెట్టి హై-ఫ్లేం మీద 10 నిమిషాలు, లో-ఫ్లేం మీద 20 నిమిషాలు ఉడికించండి. (స్టీం బయటకు పోకుండా చూసుకోవడం చాలా ఇంపార్టెంట్)
  6. 30 నిమిషాల తరువాత చికెన్ ని ఫోర్క్ తో గుచ్చి చూస్తే ఉడికింది లేనిది తెలుస్తుంది. ఉడికితే తీసి పక్కనుంచి, గిన్నెలో చికెన్ లోంచి దిగిన ఫ్లేవర్స్ తో స్టాక్ తయారవుతుంది అదీ పక్కనుంచండి.
  7. ఇప్పుడు మరో పాన్ లో నూనె వేసి ఉడికిన చికెన్ ముక్కలు వేసి తిప్పుకుంటూ ఎర్రగా కాల్చుకోవాలి. ముక్కలు ఎర్రగా కాలాక దింపి పక్కనుంచుకోండి. (ఇదే ఓవెన్ లో అయితే 220 డిగ్రీల దగ్గర ప్రీ హీట్ చేసి చికెన్ ని 20-25 నిమిషాలు గ్రిల్ చేసుకోండి)
  8. ఇప్పుడు కచ్చితంగా అడుగు మందంగా ఉన్న గిన్నెలో మాత్రమే నెయ్యి కరిగించి అందులో బాదాం, జీడిపప్పు, కిస్మిస్స్ వేపి తీసి పక్కనుంచుకోండి.
  9. అదే నెయ్యి లో సన్నని ఉల్లిపాయ తరుగు వేసి ఎర్రగా వేపుకోవాలి. ఉల్లిపాయలు వేగాక అల్లం వెల్లూలి ముద్దా, ఉప్పు, మిగిలిన మందీ మసాలా పొడి వేసి వేపుకోవాలి.
  10. ఇప్పుడు 1.1/2 కప్స్+ 2 tbsps స్టాక్ పోసి మరిగించాలి.
  11. స్టాక్ మరుగుతున్నప్పుడు గంట పాటు నానబెట్టిన బాస్మతి బియ్యం వేసి, అలాగే పక్కనుంచిన కుంకుమ పువ్వు నీళ్ళు కూడా వేసి కలిపి మూత పెట్టి 60% కుక్ చేసుకోవాలి. ( బాస్మతి బియ్యానికి కప్ కి 1.1/2 + 2 tbsps నీళ్ళు సరిపోతాయ్. 60% అంటే మెతుకు పట్టుకుంటే ఇంకాస్త పలుకుండాలి సగం పైన ఉడికుండాలి)
  12. 60% ఉడికాక వేపుకున్న డ్రై ఫ్రూట్స్, వేపుకున్న చికెన్ పెట్టి పైన ఓ టిష్యూ పేపర్స్ వేసి కాసిని నీళ్ళు చిలకరించి, స్టీం బయటకు పోకుండా మూత పెట్టి 8 నిమిషాలు హై-ఫ్లేం మీద, 7 నిమిషాలు లో-ఫ్లేం మీద ధం చేసి 15 నిమిషాలు వదిలేయండి
  13. 15 నిమిషాల తరువాత అడుగునుండి కలుపుకోవాలి
  14. టిస్సు నాప్కిన్స్ కి బదులు గిన్నె అంచులకి మైదా పిండి ముద్దా ఉంచి గట్టిగా సీల్ చేసి కూడా ధం చేసుకోవచ్చు.

టిప్స్:

  • అడుగు మందంగా ఉన్న గిన్నె లేకపోతే కచ్చితంగా మాడిపోతుంది
  • ఎండు ద్రాక్ష నచ్చకపోతే వదిలేయోచ్చు